Pont d’amour

Precies heer in de midde
tusse de matrasse is ’t bed
wat ingezakt dat zidde
eigelijk tot nou toe ging dat net

vandaag is d’r ’n kloof heer
zo bried heb ik ze neet ierder gezeen
halve meater ongeveer
hoe koom ik heer oeit nog oaverhin
vannacht dan wuurd ’t werke
ik slaj mien lakes dicht en ik begin

ik bouw ’n liefdesbrug
van stof en stevig schoem
neet te zacht neet te stug
dan lig ik en ik droem
als geej ropt woar bliefde
dan rol ik nar ow toe
oaver de brug van de liefde

altied van die dinge
soms inens dan zeuk ik met mien hand
dan kan ik ow ni vinge
lig te woele heer op mienne kant

begint ’t lange wachte
kiek ik nar ’t moanlicht op ow hoar
ienzame nachte
allien mar denke van hoe koom ik doar

ik bouw ’n liefdesbrug
van stof en stevig schoem
neet te zacht neet te stug
dan lig ik en ik droem
als geej ropt woar bliefde
dan rol ik nar ow toe
oaver de brug van de liefde

vurzichtig, klum ik umhoeg
van onder, oet ’t ravijn
de liefde onmeatelijk groet
nachte te kort, kamer te klein

precies heer in de midde
tusse de matrasse is ’t bed
wat ingezakt dat zidde
eigelijk tot nou toe ging dat net

ik bouw ’n liefdesbrug
van stof en stevig schoem
neet te zacht neet te stug
dan lig ik en ik droem
als geej ropt woar bliefde
dan rol ik nar ow toe
oaver de brug van de liefde
ik waas vergeate hoe
ik bouw ’n liefdesbrug
van stof en stevig schoem
neet te zacht neet te stug
dan lig ik en ik droem
als geej ropt woar bliefde
dan rol ik nar ow toe
oaver de brug van de liefde