Sleutels

Alwir mien sleutels kwiet, en dan wear ik kwoad
stamp ik dor ’t hoes en boete op de stroat
volgens meej, bin ik heer vanmerge nog gewest
volgens meej, lage ze heer ’t allerlest

’t mog allemoal ni bate, woar dat ik ok zeuk
in alle heuk en alle gate, dit is neet mier leuk, ah…

soms dan blief ik stoan en dan denk ik noa
woar bin ik gewest, of ligge ze nog doar
in mienne auto heb ik doar wal good gezocht
mar dat waas, nog vurdat ik ow heb weggebrocht

mog allemoal ni bate, woar dat ik ok zeuk
in alle heuk en alle gate, dit is neet mier leuk, ah…

toen ik onder de mat iets blinke zaag
mien alde vulpen die doar inens laag
ik heelt ze vast al joarelang kwiet
en ik bedocht, dit is hoe ’t giet

kalt, kalt, lauw, lauw, werm, werm, heit, heit
kiek oet ge verbrand, bint hiel dichtbeej
en toen inens ging ’t dage vur meej

toen wos ik wat ik eigelijk al wet
ge vingt iets als ge op iets anders let

gewoen altied, blieve beweage
komde vanzelf, oeteindelijk iets teage

mien sleutels als ’n gratis leavensles
good beware stek mar in ow tes, ah…